محد كاسر ظهرنا احنا يالعاطلين إلا هل الحركه ...... اتخرب على الشخص نفسه أولا و على الآخرين ثانيا.
سلبيات هل الحركه من دون اللجوء للناحيه الإسلاميه:
1- في الكثير من الأحيان يعرضون على الشخص مبلغ 200 دينار لمده 3 أشهر مقابل قلب البطاقه .... و في النهايه يسلمونه أول شهر و الباقي مع السلامه ( إذا فيك خير طالب بالبيزات).
2- بدل ما هذا العاطل ياخذ هذه الوظيفة و يستفيد من معاشها (200 دينار ) + ياخذ خبره .... يقصون عليه اب ربيتين.
3- عند قلاب البطاقه معناه ان الشخص لن يستلم مبلغ ضد التعطل + الحصول على فرصه ( صدق الفرصه معدومه نوعا ما بس فيه امل يعني شي احسن من لا شي) للحصول على الوظيفه من وزارة العمل.
4- في بعض الأشغال يكون مدعوم من وزارة العمل يعني إذا المعاش 200 يصير 400 دينار.... و في هل الحاله الشخص القالب للبطاقة خسران 1000%.
5- بدل ما اتكون الوظيفه للمواطن البحريني اتكون للأجنبي .... لأنه الفيزا جاهزه.
6- هذا العمليه مخالفه و في حال انك انصدت فأنه الشركه و الي متفق معاهم بروحون فيه..... ( طبعا من هل الناحيه اتوقع انهم راح يحاولون قد ما يقدرون انهم يحمومن نفسهم و يورطون الي اموقع وياهم لين طاح الراس بالفاس عن طريق توقيع أوراق مدروسه من قبلهم).
يعني في الأخير الكل خسران ما عدا صاحب المؤسسه ..... فليش انساعدهم في زيادة هذه الظاهره في مجتمعنا ؟؟؟؟؟